Դատավորը հետաձգել է Նիկոլ Փաշինյանի նկողմից պետական դավաճանություն կատարելու բողոքի քննությունը․ ՏԵՍԱՆՅՈՒԹ

Վերաքննիչ դատարանում դատավոր Կարեն Բիշարյանի նախագահությամբ շարունակվել է վարչապետ Նիկոլ Փաշինյանի դեմ քրեական գործ չհարուցելու որոշման դեմ բողոքի դատաքննությունը: Բողոքը ներկայացրել են ՀՅԴ Գերագույն մարմնի անդամ «Հայաստան» խմբակցության քարտուղար Արծվիկ Մինասյանը եւ փաստաբան Հակոբ Մարտիրոսյանը: Բողոքի հիմքում Նիկոլ Փաշինյանին պետական դավաճանության մեջ մեղադրելու փաստեր են: Դատախազությունը բողոքը քննելիս անգործություն է ցուցաբերել,- նշում են դիմումատուները: 
Ներկայացված հանցագործության մասին հաղորդմամբ Հակոբ Մարտիրոսյանը ներկայացրել է փաստական հանգամանքներ, որոնք վկայում են Նիկոլ Փաշինյանի կողմից թշնամի պետությանն օգուտ տալու մասին՝ ի վնաս ՀՀ-ի։ 
Դատարանում են եղել նաեւ զոհված զինծառայողների հարազատներ: Հակոբ Մարտիրոսյանը դատավորին ինքնաբացարկի միջնորդություն է ներկայացրել, ինչը դատավորը թույլ չտվեց ավարտել՝ հայտարարելով, որ ծանրաբեռնված է ու նիստը հետաձգեց: Զոհվածների հարազատները դուրս եկան ափերից: Անկառավարելի իրավիճակ ստեղծվեց: 
Հաջորդ դատական նիստը կկայանա մայիսի 23-ին, ժամը 13:00-ին: 

Մանրամասները ներկայացնում է Լուսին Ղազարյանը