կարևոր
1189 դիտում, 1 ամիս առաջ - 2022-05-16 20:14

Սփյուռքից կոշտ են արձագանքում Սինանյանի խոսքերին․ ՏԵՍԱՆՅՈՒԹ

Լոս Անջելեսի հայերի պատասխանն է Հայաստանի Սփյուռքի գործերի գլխավոր հանձնակատար Զարեհ Սինանյանին: Օրեր առաջ Սինանյանն էր դավաճան անվանել Սփյուռքի այն հայերին, որոնք քննադատում են պետական պաշտոնյաներին: 
Ըստ Սինանյանի՝ իր ու մյուս իշխանականների դեմ հայտարարությունների, բողոքի ակցիաների հեղինակները Սփյուռքի դաշնակցականներն են, որոնց ուղղորդում են Հայաստանից ու տրամադրում հայրենիքի դեմ: Այս դեպքում Սինանյանն, ըստ էության, իշխանություններին նույնացնում է Հայաստանի հետ: 
Սինանյանը սփյուռքահայերին հորդորել է հարգել հայաստանցիների ընտրությունը՝ նկատի ունենալով Փաշինյանին ու թիմակիցներին: Դաշնակցությանն էլ մեղադրել է 25 տարի Հայաստանը կեղեքելու մեջ: 
Սփյուռքի գործերով հանձնակատարի գործունեությանը Շուշիի ազատագրման օրն անդադարձել էր Դաշնակցության Բյուրոյի ներկայացուցիչ Հակոբ Տեր-Խաչատուրյանը: Սինանյանի միջոցով է Հայաստանի իշխանությունը փորձում պառակտել Սփյուռքը. ասել էր Տեր-Խաչատուրյանն ու այդ քաղաքականությունն ազգակործան որակել: 
Բոլոր նման փորձերը՝ Հայաստան-Սփյուռք կապն ու Սփյուռքը պառակտելու, անհաջողության են մատնվելու. համոզված է ՀՅԴ Բյուրոյի ներկայացուցիչը: Նույնը հավաստիացրել են նաեւ Լոս Անջելեսի հայերը: Փաշինյանի հրաժարականի պահանջով ակցիաների ժամանակ հայտարարել են, որ Հայաստան-Սփյուռք-Արցախ եռամիասնությամբ պայքարելու են հզոր հայրենիքի համար: 

Մանրամասները՝ Անահիտ Հովհաննիսյանի տեսանյութում