կարևոր
394 դիտում, 2 օր առաջ - 2022-05-13 20:35

Ձերբակալվել է հասարակական գործիչ Ավետիք Չալաբյանը․ ՏԵՍԱՆՅՈՒԹ

Ոստիկանությունը խուզարկել է հասարակական գործիչ, «Արար» հիմնադրամի համահիմնադիր Ավետիք Չալաբյանի տունը եւ բերման ենթարկել նրան: Երեւան քաղաքի քննչական վարչության ծանր հանցագործությունների քննության բաժնում հարուցվել է քրեական գործ: «5165 ազգային պահպանողական շարժում» կուսակցության համահիմնադիր Մենուա Սողոմոնյանը կատարվածը գնահատում է, որպես շինծու քրեական գործ։ 
Ուսապարկերով ակցիան որակվել է, որպես ծանր վիրավորանք եւ քրեական գործ է հարուցվել, սա ուղղակի զավեշտ է.- ընդգծում է Մենուա Սողոմոնյանը: Նրա խոսքով կատարվածը՝ Չալաբյանին լռեցնելու փորձ է։ 
Politik.am կայքի գլխավոր խմբագիր Բորիս Մուրազին նկատում է՝ հակաօրինական որեւէ բան չկա: Կա իշխանության պատվերով կատարված սադրանք։ Բորիս Մուրազին սղագրել է տարածված ձայնագրությունը եւ բոլորովին այլ եզարահանգում ունի։
«Իրավական ուղի» ՀԿ համահիմնադիր Ռուբեն Մելիքյանը հայտնում է ՝ ձայնագրության հենքով ձերբակալված Էմմա Սարգսյանը երեկ ուշ երեկոյան իր կամքով է ներկայացել ոստիկանություն: Էմմա Սարգսյանի անչափահաս դուստրը տանը մենակ է մնացել։ 
Հիշեցնենք, որ Ավետիք Չալաբյանը ձերբակալվել է Հայաստանի ազգային ագրարային համալսարանի ուսանողներին ընդդիմության ցույցերին մասնակցության դիմաց նույն համալսարանի ուսանողական խորհրդի նախագահին նյութապես շահագրգռելու կասկածանքով: 

Մանրամասները ներկայացնում է Լուսին Ղազարյանը