կարևոր
604 դիտում, 1 ամիս առաջ - 2022-05-12 16:26

Փաշինյանը կմասնակցի Մոսկվայում կայանալիք ՀԱՊԿ հոբելյանական գագաթնաժողովին

Փաշինյանը կմասնակցի Մոսկվայում կայանալիք ՀԱՊԿ հոբելյանական գագաթնաժողովին

Նիկոլ Փաշինյանը մայիսի 16-ին կմասնակցի Մոսկվայում կայանալիք ՀԱՊԿ հոբելյանական գագաթնաժողովին։ Այդ մասին հայտնել է ՌԴ նախագահի մամուլի քարտուղար Դմիտրի Պեսկովը։

«Մայիսի 16-ին ՀԱՊԿ 30-ամյակի կապակցությամբ Մոսկվայում տեղի կունենա անդամ պետությունների գագաթնաժողովը։ Դա կլինի և ղեկավարների հանդիպում, և նրանց առանձին շփումներն աշխատանքային նախաճաշի շրջանակում»,- ասել է նա, գրում է ՏԱՍՍ-ը։

Պեսկովը հայտնել է, որ միջոցառման ավարտին ԶԼՄ-ների համար հայտարարություններով հանդես կգան ՀԱՊԿ գլխավոր քարտուղար Ստանիսլավ Զասը և Նիկոլ Փաշինյանը։