կարևոր
580 դիտում, 1 ամիս առաջ - 2022-05-09 20:08

Մայիսյան եռատոնին ընդդիմադիրները Եռաբլուրում են․ ՏԵՍԱՆՅՈՒԹ

Մայիսյան եռատոնին արդեն երկու տարի է՝ տրամադրություններն այլ են: Եռաբլուրում Շուշին ազատագրողներն են հանգչում, իսկ հայոց բերդաքաղաքը նորից գերության մեջ է: 
Նոր հաղթանակների համար հայության համախմբումն է անհրաժեշտ, բանակի վերազինումն ու պաշտպանունակության բարձրացումը. ասում է պաշտպանության նախկին նախարարը: 
Գործող իշխանությունը միայն պատերազմի ընթացքում չէ, որ սխալներ է թույլ տվել, պնդում է 44-օրյա պատերազմի օրերին գլխավոր շտաբի պետի առաջին տեղակալի պաշտոնը զբաղեցրած Տիրան խաչատրյանը. նախքան պատերազմն էլ սխալները շատ էին. իշխանականները պաշտպանական ոլորտին չէին տիրապետում եւ չէին էլ ցանկանում տիրապետել: 
Տիրան Խաչատրյանն աջակցում է դիմադրության շարժմանը, քանի որ Փաշինյանի պաշտոնավարումը վտանգավոր է համարում: 
Փաշինյանի հրաժարականը պարտադիր է համարում նաեւ Դաշնակցության Բյուրոյի ներկայացուցիչը: Պարտված իշխանությունը չի կարող երկրի շահերը ներկայացնել: 
Դաշնակցությունը միշտ էլ կողմ է եղել Թուրքիայի հետ հարաբերությունների կարգավորմանը, բայց խոսքը բարեկամության հաստատման մասին չէ. Հայաստանը չի կարող բավարարել թուրքական նախապայմանները. ասում է Հակոբ Տեր- Խաչատուրյանը։ 
ՀՅԴ Բյուրոյի ներկայացուցիչը մեկ այլ վտանգավոր միտում էլ է նկատել. պնդում է, որ Հայաստանի իշխանությունները փորձում են պառակտել Սփյուռքը, ինչը նրանց չի հաջողվում, փոխարենը Սփյուռքին է հաջողվում ձախողել Թուրքիայի խաղաղության կեղծ օրակարգը, ինչի մասին նաեւ Էրդողանն է խոստովանել: 

Մանրամասները՝ Անահիտ Հովհաննիսյանի տեսանյութում