կարևոր
475 դիտում, 1 շաբաթ առաջ - 2022-05-09 16:30

Ստեփանակերտի քաղաքապետը մասնակցել է Մայր Տաճարում կատարված հոգեհանգստի կարգին

Ստեփանակերտի քաղաքապետը մասնակցել է Մայր Տաճարում կատարված հոգեհանգստի կարգին

Այսօր առավոտյան Ստեփանակերտի քաղաքապետարանի ներկայացուցիչները՝ քաղաքապետ Դավիթ Սարգսյանի գլխավորությամբ, մասնակցել են Մայր Տաճարում թեմակալ առաջնորդ Վրթանես եպիսկոպոս Աբրահամյանի ձեռամբ կատարված հոգեհանգստի կարգին:

Այդ մասին ասված է Ստեփանակերտի քաղաքապետարանի Ֆեյսբուքի էջում:

«Այնուհետև այցելել են Ստեփանակերտի հուշահամալիր ու Եղբայրական գերեզմանոց և, ծաղիկներ խոնարհելով, հիշել Մեծ Հայրենականում ու Արցախյան պատերազմներում հերոսի մահով ընկածներին, խնկարկել նրանց անմար հիշատակը՝ համոզված, որ Մայիսի 9-ը վերգտնելու է իր նախկին փառքը»,- նշված է գրառման մեջ: