Մեր նոր հաղթանակների հաղթարշավը պետք է սկսվի հաղթանակի գողին մեր հանրային կյանքից դուրս շպրտելով․ Էդգար Ղազարյան

Հաղթանակի օրը բոլորս հիշում ենք մեր պապերին, բոլոր նրանց, ում հերոսությունների և անձնազոհության արդյունքում մեր ժողովուրդը տոնել է հաղթանակ և ապրել հաղթողի, հերոսի ժառանգի պատվաբեր զգացողություններով։ Այս մասին գրել է ՍԴ աշխատակազմի նախկին ղեկավար, դեսպան Էդգար Ղազարյանը։

«Այդ նույն ժամանակ մի ստոր դավաճան պետք է հիշի իր դավաճան պապուն, ում անունը կրելով, նա մեր հաղթանակները վերածեց պարտության, մեզնից գողացավ մեր պապերի սխրանքը, մեր հաղթական ոգին, հաղթանակի օրը տոնելու մեր բերկրանքն ու ուրախությունը։

Այսքանով դեռ չբավարարվելով` նա փորձում է ամենաստոր և ապօրինի միջոցներով զավթած պահել մեր ժողովրդից խլած իշխանությունը և այն շարունակաբար ծառայեցնել հայ ժողովրդի թշնամիների շահերին։

Մեր նոր հաղթանակների հաղթարշավը պետք է սկսվի հաղթանակի գողին մեր հանրային կյանքից դուրս շպրտելով, իրեն արժանի պատժին արժանացնելով»,- գրում է Էդգար Ղազարյանը։