կարևոր
1420 դիտում, 3 ամիս առաջ - 2022-05-07 19:28

«Դիմադրության» շարժման հանրահավաքը Վանաձորում․ ՏԵՍԱՆՅՈՒԹ

Նիկոլ Փաշինյանի հրաժարականի պահանջով «Դիմադրություն» շարժման ավտոերթը մեկնարկեց Աշտարակի խճուղու սկզբնամասից: 
Ընդդիմության ներկայացուցիչները կանգ էին առնում ճանապարհի տարբեր քաղաքներում։ Սպիտակում երթի մասնակիցներին դիմավորեցին աղուհացով, ԱԺ փոխխոսնակ, ՀՅԴ ԳՄ ներկայացուցիչ Իշխան Սաղաթելյանը քաղաքացիների հետ զրույցում շեշտեց՝ այսօր իրենց հաղթանակի օրն է: 
Հանրահավաքը մեկնարկեց 13:00-ին Վանաձորում, որտեղ մինչ հանրահավաքը մեծ թվով ոստիկանական ուժեր էին կուտակվել քաղաքապետարանի դիմաց: 
Շարժման մանակիցները, Իշխան Սաղաթելյանի խոսքով, քայլերթ էին նախատեսել, սակայն վատ եղանակային պայմաների պատճառով իրականացնել չհաջողվեց: Ի դեպ, Վանաձորը, Հայաստանի խոշորագույն 3-րդ համայնքը, Տիմ ընտրություններից հետո մինչ օրս քաղաքապետ չունի: Ձայների մեծամասնությամբ քաղաքապետ ընտրված Մամիկոն Ասլանյանը կալանավորվել էր ընտրություններից անմիջապես հետո: 

Մանրամասները՝ Անի Նահապետյանի տեսանյութում