կարևոր
502 դիտում, 1 շաբաթ առաջ - 2022-05-06 14:20

Ադրբեջանական բեռնատարը դիտավորյալ հանցագործություն է կատարել․ Արտակ Բեգլարյան

Ադրբեջանական բեռնատարը դիտավորյալ հանցագործություն է կատարել․ Արտակ Բեգլարյան

Ադրբեջանական բեռնատարը դիտավորյալ հանցագործություն է կատարել Մարտակերտի շրջանի ճանապարհով շարժվող «Թումո» կենտրոնի աշխատակիցների ավտոմեքենայի նկատմամբ՝ Թվիթերում գրել է Արցախի պետական նախարար Արտակ Բեգլարյանը։

Վրաերթի հետևանքով կենտրոնի մեքենան գլորվել է ձորը, հրաշքով բոլորը ողջ են մնացել, բայց ստացել են թեթև վնասվածքներ։ «Թումոյի» աշխատակիցները, այնուամենայնիվ, շարունակել են իրենց ճանապարհը, Մարտակերտում կազմակերպել են նախատեսված շնորհանդեսը, այնուհետև վերադարձել են Ստեփանակերտ և դիմել բուժզննման։

«Նրանց առաքելության նպատակն է շատ գյուղացի երեխաներ ներգրավել՝ ավելի լավ կրթության համար»,- եզրափակել է Բեգլարյանը։

Ավելի վաղ հայտնել էինք, որ Արցախում ադրբեջանական ռազմական շարասյան մեքենան հրել ու ձորակն է գցել մեքենան։