Հաղթանակ կամրջի հատվածում լարված իրավիճակ է։ Ոստիկանական մեծաքանակ ուժեր են կուտակվել, որոնք սկսել են քաշքշելով և ուժի կիրառմամբ բերման ենթարկել խաչմերուկը փակած խաղաղ ակցիայի մասնակիցներին։ Բերման ենթարկվածների թվում է նաև ՀՀ նախկին ոստիկանապետ Վալերի Օսիպյանը։
Հիշեցնենք, որ նախօրեին ԱԺ փոխխոսնակ, «Հայաստան» խմբակցության պատգամավոր Իշխան Սաղաթելյանը հայտարարել էր, որ մայիսի 6-ին անհնազանդության ակցիաները սկսում են ժամը 12-ին: Հավաքվելու են Ֆրանսիայի հրապարակում եւ չորս ուղղություններով պարալիզացնելու են ողջ Երևանի երթևեկությունը։