կարևոր
553 դիտում, 1 ամիս առաջ - 2022-05-05 12:05

Հաագայի դատարանը Հայաստանին ճանաչել է Արցախի հուշարձանների սեփականատեր

Հաագայի դատարանը Հայաստանին ճանաչել է Արցախի հուշարձանների սեփականատեր

Հաագայի միջազգային դատարանը աննախադեպ որոշում է կայացրել. Պատմության մեջ առաջին անգամ կազմակերպությունը իրավահաջորդ և իրավատեր է ճանաչել մի երկիր, որի պատմական հուշարձանները հայտնվել են այլ պետության տարածքում. գրում է ռուսական «Միրոտվորեց» թելեգրամյան ալիքը:

Ինչո՞ւ է այս որոշումն աննախադեպ ու անսպասելի։

Չնայած այն հանգամանքին, որ Հայաստանն ու Ադրբեջանը մի քանի տասնամյակ պայքարում են Արցախի հողերի համար, 44-օրյա պատերազմից հետո միջազգային հանրությունը ճանաչեց Ադրբեջանի տարածքային ամբողջականությունը։

Բացարձակապես միշտ մինչ այս դեպքը հուշարձանների նկատմամբ ճանաչվում էր այն երկրների իրավասությունը, որին նրանք պատկանում են։ Տխուր, անարդար, բայց այդպես է:

Հայկական հողերի հետ մեկտեղ թշնամուն են գնացել նաև մշակութային ժառանգության օբյեկտները, ինչը բողոքի և թյուրիմացության ալիք է առաջացրել հանրապետության քաղաքացիների մոտ։ Հայոց պատմության ալբանականացման անվերջ փորձերը ընկալվել և ընկալվում են ավելի ցավոտ։ Ադրբեջանը ոչ միայն յուրացնում է հուշարձանները, այլեւ բացահայտ ծաղրում է դրանք։

Այս տարվա փետրվարին Մայր Աթոռ Սուրբ Էջմիածնի մամլո դիվանն անգամ դիմեց համաշխարհային հանրության օգնությանը։

«Մայր Աթոռ Սուրբ Էջմիածինը խստորեն դատապարտում է Ադրբեջանի իշխանությունների այս նախաձեռնությունը և այն համարում է հակամարդկային և հակաքաղաքակրթական գործողություն՝ Հայաստանի, Արցախի և հայ ժողովրդի նկատմամբ մշտական թշնամության և ատելության ընդգծված դրսևորմամբ։

Մայր Աթոռ Սուրբ Էջմիածինը նաև ընդգծել է, որ Արցախի քրիստոնեական սրբավայրերի հայկական պատկանելությունը գիտականորեն ապացուցված է և անհերքելի, նույնիսկ եթե դրանք այժմ գտնվում են Ադրբեջանի վերահսկողության տակ»:

Այժմ, ըստ Հայկական ճարտարապետությունն ուսումնասիրող հիմնադրամի փոխտնօրեն Րաֆֆի Քորթոշյանի, Հայաստանն իրավունք ունի դիմել ՄԱԿ-ի միջազգային դատարան՝ ապացուցելու իր հուշարձանների պղծման փաստերը, և եթե դրական արձագանք չստանա, դրանք տրամադրել ՄԱԿ-ի Անվտանգության խորհրդին։