ԵՊՀ-ում մի խումբ ուսանողներ և Արևելագիտության ֆակուլտետի դեկան Ռուբեն Մելքոնյանը միացան ցուցարարներին։ Ակցիայի մասնակիցները ողջունեցին իրենց միացած ուսանողներին։
ԵՊՀ-ի կենտրոնական մասնաշենքի բակում հավաքված էին նաև մեծ թվով ոստիկաններ, որոնք փակել էին համալսարանի մուտքը։ Փակ էր նաև Իրավաբանական և Միջազգային հարաբերությունների ֆակուլտետների դռները։ Իրավագիտության ֆակուլտետի դեկան Գագիկ Ղազինյանը տեղեկացրեց, որ ներսում դասապրոցես չի ընթանում։ Ուսանողները ներսից, ճաղերի հետևից էին հետևում ակցիային։