կարևոր
1249 դիտում, 2 շաբաթ առաջ - 2022-05-03 10:41

Լավ հիշեք սույն սուբյեկտի դեմքն ու անունը․ նա մոլեգին կերպով վարձահատույց է լինում իր կուռքին․ Վահե Սարգսյան

Լավ հիշեք սույն սուբյեկտի դեմքն ու անունը․ նա մոլեգին կերպով վարձահատույց է լինում իր կուռքին․ Վահե Սարգսյան

Yerkir.am-ի գլխավոր խմբագիր Վահե Սարգսյանը գրել է․

«Լավ հիշեք սույն սուբյեկտի դեմքն ու անունը. ԱԱԾ քննչական դեպարտամենտի ՀԿԳ ավագ քննիչ Սուրեն Նավոյան։

Սա' է այս օրերին, այս ժամերին ապօրինի որոշում կայացնելու և կալանավորելու Գերասիմ Վարդանյանին։

Սա 2018֊ի իշխանափոխության օրերին ունեցած իր քաղաքական ելույթից արված լուսանկար է։ Նա թոշակաժառանգ Շիշ բռնողի կողմից հրավիրվել է բեմ և իր հավատարմության երդումը տվել ապագայի ազգակործան պատուհասին։

Դրանից հետո, բնականաբար, սույն սուբյեկտի պաշտոնը սնկի նման աճ է գրանցել, և նա կարճ ժամանակում քննչական բաժնի հասարակ ավագ քննիչից դարձել է ԱԱԾ քննչական դեպարտամենտի ՀԿԳ ավագ քննիչ։

Սուրեն Նավոյանը, փաստորեն, մոլեգին կերպով վարձահատույց է լինում իր կուռքին։

Իսկ թե ինչ է նշանակում դառնալ մեկ դավաճանի քմահաճույքների կատարման բութ գործիք՝ Սուրեն Նավոյան կոչվածը կզգա և կհասկանա շատ շուտով, ընդամենը օրեր անց։

Հ.Գ. Մեկնաբանությունների տեղում կհրապարակեմ նաև սրա 《երդմնակալության արարողության》տեսանյութը»։

Հիշեցնենք, որ երեկ ՀՅԴ անդամ Գերասիմ Վարդանյանը ձերբակալվել է։

Ավելի վաղ հայտնել էինք, որ Գերասիմ Վարդանյանը ձերբակալվել է 2020 թվականի նոյեմբերի 9-ի դեպքերով հարուցված քրեական գործով։