կարևոր
568 դիտում, 2 շաբաթ առաջ - 2022-05-02 15:59

Ուկրաինայում ռազմական գործողության ավարտի ժամկետն արհեստականորեն չի հարմարացվի մայիսի 9-ին. Լավրով

Ուկրաինայում ռազմական գործողության ավարտի ժամկետն արհեստականորեն չի հարմարացվի մայիսի 9-ին. Լավրով

Մոսկվան Ուկրաինայում ռազմական հատուկ գործողության ավարտի ժամկետն արհեստականորեն չի հարմարացնի մայիսի 9-ին: Այս մասին իտալական Mediaset հեռուստաընկերությանը տված հարցազրույցում ասել է ՌԴ ԱԳ նախարար Սերգեյ Լավրովը, գրում է ՏԱՍՍ-ը։

«Մեր զինվորականներն իրենց գործողություններն արհեստականորեն չեն հարմարեցնելու որևէ ամսաթվի, այդ թվում՝ Հաղթանակի օրվան: Մայիսի 9-ը, ինչպես միշտ, հանդիսավոր կերպով նշելու ենք», - ասել է Լավրովը։

Նրա խոսքով՝ Ուկրաինայում ռազմական հատուկ գործողության իրականացման տեմպերն առաջին հերթին կախված են «քաղաքացիական բնակչության և ռուս զինծառայողների համար ցանկացած ռիսկ նվազագույնի հասցնելու անհրաժեշտությունից»։