կարևոր
718 դիտում, 2 շաբաթ առաջ - 2022-05-02 09:35

Երևանում վաղ առավոտյան փակվել է 14 փողոց

Երևանում վաղ առավոտյան փակվել է 14 փողոց

Այս պահին 14 փողոց փակված է մեր քաղաքացիների կողմից, 5-10 հոգով դուք էլ դուրս եկեք փողոց՝ կաթվածահար արեք երթևեկությունը: Մայիսի 2-ին վաղ առավոտյան լրագրողների հետ զրույցում հայտարարել է ԱԺ փոխխոսնակ, ՀՅԴ Հայաստանի Գերագույն մարմնի ներկայացուցիչ Իշխան Սաղաթելյանը, որը գիշերել է Ֆրանսիայի հրապարակում` բազմաթիվ այլ քաղաքացիների հետ:

«Այսօր մայրաքաղաքի տարբեր հատվածներում դադարեցնելու ենք երթևեկությունը, մեր հայրենկիցներին կոչ եմ անում՝ դուրս եկեք փողոց, հեռացնենք այս իշխանությանը, շտկենք մեր մեջքը»,-ասել է Իշխան Սաղաթելյանը` կոչ անելով քաղաքացիներին միանալ ակցիաներին ու ինքնակազմակերպվել:

«Միացե՛ք այս պահին արդեն փողոցում գտնվող խմբերին, ովքեր ինքնակազմակերպվել, դուրս են եկել, եթե ոչ՝ ինքներդ կազմակերպեք ձեր բողոքի ակցիան»,-ասաց Իշխան Սաղաթելյանը։