կարևոր
418 դիտում, 2 շաբաթ առաջ - 2022-04-30 14:18

«Ապրելու երկիր» կուսակցությունը շարունակում է պայքարել ընդդեմ կառավարության․ ՏԵՍԱՆՅՈՒԹ

Վերաքննիչ վարչական դատարանում քննվեց «Ապրելու երկիր» կուսակցության ներկայացրած հայցադիմումը: Այն վերաբերվում է Փարաքար համայնքի ավագանու լիազորություններին: Հայցադիմումով կուսակցությունը պահանջում է ոչ իրավաչափ ճանաչել ավագանու լիազորությունները վաղաժամկետ չդադարեցնելու եւ ավագանու արտահերթ ընտրություններ չնշանակելու Կառավարության անգործությունը: Նախագահող դատավոր Մերի Համբարձումյանը կարճեց գործը այն թողնելով առանց քննության: Նշենք, որ դատարան չէր ներկայացել պատասխանող կողմի ներկայացուցիչը: 
Դատարանի բակը բազմամարդ էր: Վոլոդյա Գրիգորյանի աջակիցները պահանջում են իշխանությունից՝ հարգել իրենց կամքը: Նրանց խոսքով ապօրինաբար համայնքի ղեկավար դարձած անձը որեւ դրական գործ չի անում եւ անտեսում է համայնքի բնակիչների պահանջները։
«Ապրելու երկիր» կուսակցության քաղաքական խորհրդի անդամ Արաքսյա Գրիոգորյանը ընթացող դատավարական պրոցեսը որակում է՝ քաղաքական դատապրոցես է: Դատավորը անօրինական որոշում է կայացրել եւ այն չի բխում համայնքի շահերից: 
Նշենք, որ 2021թ. դեկտեմբերի 5-ին Փարաքար միավորված համայնքում տեղի ունեցած ավագանու ընտրությունների արդյունքներով ավագանու ընդհանուր 21 մանդատը բաշխվել են 3 կուսակցության միջև: 

մանրամասները ներկայացնում է Լուսին Ղազարյանը