կարևոր
847 դիտում, 2 ամիս առաջ - 2022-04-29 16:08

Զոհվածների ծնողները փակել են Վազգեն Սարգսյան փողոցը․ հանդիպում են պահանջում Արթուր Դավթյանի հետ

Զոհվածների ծնողները փակել են Վազգեն Սարգսյան փողոցը․ հանդիպում են պահանջում Արթուր Դավթյանի հետ

Զոհված զինծառայողների հարազատները Հակակոռուպցիոն կոմիտեի պատասխանից հետո վերադարձել են Գլխավոր դատախազության մոտ և պահանջում են հանդիպում Արթուր Դավթյանի հետ և իրենց  պահանջների բավարարում: Ծնողները փակել են Վազգեն Սարգսյան փողոցը և նշում են, որ փակ են պահելու փողոցն այնքան ժամանակ, քանի դեռ դատախազը չի հանդիպել իրենց հետ։ Արդեն 2 ժամից ավել է ծնողները գտնվում են Դատախազության շենքի դիմաց։ Այնտեղ են նաև «Հայաստան» խմբակցության պատգամավորներ Արթուր Ղազինյանը և Արամ Վարդևանյանը։

Դատախազությունց առաջարկ է եղել, որ Արթուր Ղազինյանը բարձրանա Դատախազություն՝ ծնողների պահանջները քննարկելու, սակայն ծնողները մերժել են առաջարկը՝ նշելով, որ իրենք են ցանկանում հանդիպել դատախազի հետ։

Ավելի ուշ ծնողները որոշում են կայացրել և լիազորել են փաստաբան Վահան Հովհաննիսյանին, որպեսզի ինքը հանդիպի Դատախազության ներկայացուցչի հետ։

Ավելի վաղ հայտնել էինք, որ արցախյան պատերազմում զոհված զինծառայողների ծնողների ներկայացրած պահանջների համար իրավական ընթացակարգ է ապահովվել։

Հիշեցնենք, որ արցախյան 44-օրյա պատերազմում զոհված զինծառայողների ծնողները բողոքի ակցիա են իրականացրել Շառլ Ազնավուրի հրապարակում։