կարևոր
796 դիտում, 1 ամիս առաջ - 2022-04-27 21:10

«Երիտասարդի ձայն» նախաձեռնությունը Երևանում իրազեկման ակցիաներ է իրականացնում․ ՏԵՍԱՆՅՈՒԹ

ՀՀԿ-ական երիտասարդները ժամը 1-ի դրությամբ Երեւանի մի շարք հատվածներում բողոքի ակցիաներ են իրականացրել: «Ստոպ Նիկոլ» խորագրով նախաձեռնության անդամները նախ մի քանի վայրկյանով փակեցին Նորք Մարաշ վարչական շրջանում գտնվող Արմենակյան փողոցը, ապա տվեցին քայլերթի մեկնարկը: Երթը առաջնորդում էր «Պատիվ ունեմ» խմբակցության պատգամավոր Աննա Մկրտչյանը: 
Իրազեկման երթի մասնակիցները պարբերաբար վանկարկում էին՝ «Առանց Նիկոլ Հայաստան», «Հայաստան առանց թուրքերի»: Երեւանի պետական համալսարանի մոտ նրանք տեղադրեցին Արցախի դրոշը եւ ուսանողներին միացման կոչ արեցին: 
Ակցիայի մասնակիցները մի քանի վայրկյանով փողոցներ փակեցին եւ կոչ արեցին ոստիկաններին՝ չսադրել խաղաղ ցուցարարներին: Նշենք, որ ոստիկանների քանակը աննախադեպ շատ էր: Բազմաթիվ քաղաքացիներ միացան երթին, որոշներն էլ ողջունում էին պատուհաններից: Եղան նաեւ սադրիչներ։ 
Հիշեցնենք, որ ապրիլի 25-ից ողջ հանրապետությունում սկսվել են զանգվածային բողոքի ակցիաներ: Մի քանի մարզերից քաղաքացիները գալիս են միանալու Ազատության հրապարակում նստացույց իրականացնողներին: Բոլորի պահանջը մեկն է՝ Նիկոլ Փաշինյանը պետք է հեռացվի վարչապետի աթոռից եւ ենթարկվի քրեական պատասխանատվության։

Մանրամասները ներկայացնում է Լուսին Ղազարյանը