կարևոր
640 դիտում, 2 ամիս առաջ - 2022-04-25 21:07

Արցախի դրոշ է ծածանվել Բժշկական համալսարանի բակում․ ՏԵՍԱՆՅՈՒԹ

Երեւանի Մխիթար Հերացու անվան պետական բժշկական համալսարանի բակում մի խումբ ուսանողների նախաձեռնությամբ ծածանվեց Արցախի դրոշը: Աշխատակազմը փորձեց խոչընդոտել, սակայն ՀՅԴ Նիկոլ Աղբալյան ուսանողական միության վարչության ներկայացուցիչ, 44 օրյա պատերազմի մասնակից, Բժշկական համալսարանի օրդինատոր Հայկազ Հարությունյանը հասավ նպատակին: Ուսանողները հայտարարեցին անժամկետ դասադուլ` պայմանավորված Հայաստանում եւ Արցախում օրեցօր վատթարացող անվտանգային պայմաններով: Նրանք մյուս բուհերի ուսանողներին շարժմանը միանալու կոչ արեցին։ 
Բժշկական համալսարանի ուսանող Խորեն Ամիրխանյանը Նարեկացու խոսքերը իր համար նպատակ է դարձրել: Նա վճռական պայքարի կողմնակից է։ 
Ուսանողները կարեւորում են երիտասարդության պայքարի ճիշտ ընտրված տարբերակները: Արցախցի ուսանող Գուրգեն Առստամյանը առաջարկում է միացման տարբերակով ազգի ճակատագիրը որոշող ելք գտնել։ 
Նշենք, որ տարբեր բուհերում արդեն սկսել են բողոքի խաղաղ ակցիաներ: Երիտասարդները երեւանյան 15 բուհերում միաժամանակ կոչով դիմել են ուսանողներին, «Ուսանող, զարթնի՛ր» կոչով եւ հայտարարել են անժամկետ դասադուլ: 

Մանրամասները՝ Լուսին Ղազարյանի տեսանյութում