կարևոր
529 դիտում, 3 շաբաթ առաջ - 2022-04-25 10:55

Անդրկովկասի վերաբերյալ Ժնևյան քննարկումները դադարեցվել են. ՌԴ ԱԳՆ

Անդրկովկասի վերաբերյալ Ժնևյան քննարկումները դադարեցվել են. ՌԴ ԱԳՆ

Ռուսաստանի Դաշնության արտաքին գործերի նախարարության ԱՊՀ երկրների չորրորդ վարչության տնօրեն Դենիս Գոնչարը հայտնել է, որ Անդրկովկասի վերաբերյալ Ժնևյան քննարկումները, որոնց նոր փուլը պետք է անցկացվեր մարտին, ՄԱԿ-ի, ԵՄ-ի և ԵԱՀԿ-ի նախաձեռնությամբ դադարեցվել են, հայտնում է gazeta.ru-ն։

«Ինչ վերաբերում է ժնևյան քննարկումներին, ապա այս ձևաչափի աշխատանքները հետաձգվել են։ Սա մեր ընտրությունը չէ, նախաձեռնությունն այս դեպքում պատկանում է եռանախագահների (ՄԱԿ, ԵՄ և ԵԱՀԿ) «եռյակին», որոնք իրենց որոշմամբ անորոշ ժամանակով հետաձգեցին մարտի վերջին նախատեսված հերթական՝ 56-րդ փուլը», - ասել է Գոնչարը։

Գոնչարը նշել է, որ քննարկումների մասնակիցներն իրականում «պատանդ են վերցրել» բանակցային ամենակարևոր ձևաչափը, որի շնորհիվ հնարավոր է եղել պահպանել տարածաշրջանում անվտանգության և կայունության ընդունելի մակարդակ։