կարևոր
1543 դիտում, 11 ամիս առաջ - 2022-04-23 13:10

ՄԱԿ-ի գլխավոր քարտուղարը կայցելի Ուկրաինա

ՄԱԿ-ի գլխավոր քարտուղարը կայցելի Ուկրաինա

ՄԱԿ-ի գլխավոր քարտուղար Անտոնիու Գուտերեշն ապրիլի 28-ին կայցելի Ուկրաինա:

Ինչպես հաղորդում է ՏԱՍՍ-ը, այս մասին ապրիլի 22-ին հաղորդագրություն է տարածել Գուտերեշի գրասենյակը:

«Գլխավոր քարտուղարը հաջորդ շաբաթ կայցելի Ուկրաինա: Նա ապրիլի 28-ին աշխատանքային հանդիպում կանցկացնի Ուկրաինայի ԱԳ նախարար Դմիտրի Կուլեբայի և երկրի նախագահ Վլադիմիր Զելենսկու հետ»,- ասվում է հաղորդագրության տեքստում:

Գլխավոր քարտուղարի մամուլի ծառայությունն ընդգծել է, որ Գուտերեշը նախատեսում է հանդիպել ՄԱԿ-ի այն գործընկերների հետ, որոնք աշխատում են Ուկրաինայում՝ նրանց հետ բնակչությանը մարդասիրական աջակցություն ցույց տալու ընդլայնմանն ուղղված ծրագրերը քննարկելու համար: