կարևոր
1375 դիտում, 7 ամիս առաջ - 2022-04-23 10:42

Սիրիայի հայաբնակ մի շարք քաղաքներում Հայոց ցեղասպանության 107-րդ տարելիցին նվիրված արարողություններ են անցկացվել

Սիրիայի հայաբնակ մի շարք քաղաքներում Հայոց ցեղասպանության 107-րդ տարելիցին նվիրված արարողություններ են անցկացվել

Երեկ Սիրիայում Հայոց ցեղասպանության 107-րդ տարելիցին նվիրված ջահերով երթ է կազմակերպվել: 

«Սուրիոյ երիտասարդական միության» տեղեկացմամբ՝ ապրիլի 22-ին Սիրիայի ժամանակով ժամը 18:30 իրականցվել է ջահերով երթ Հալեպ քաղաքում: Ջահակիրները քայլերթով շարժվել են դեպի քաղաքի ազգային գերեզմանատուն:

Հատկանշական է, որ «Սուրիոյ Երիտասարդական միության» կազմակերպմամբ Սիրիայի այլ հայաբնակ քաղաքներում ևս Հայոց ցեղասպանության հիշատակի արարողություններ են անցկացվել:

Ապրիլի 23-ին Լաթաքիայի Սուրբ Աստվածածին եկեղեցում մոմավառություն է իրականացվելու: Նույն օրը Քեսաբ քաղաքի Սուրբ Աստվածածին եկեղեցում կայանալու է բանախոսություն Հայոց ցեղասպանության շուրջ: