«ԼՂ հարցի կարգավորման որևէ նախագիծ գոյություն չունի»․ Փաշինյան․ ՏԵՍԱՆՅՈՒԹ

Լեռնային Ղարաբաղի հակամարտության կարգավորման որեւէ նախագիծ՝ այս պահին գոյություն չունի: Այսպիսի հայտարարություն է անում Նիկոլ Փաշինյանը, ըստ էության, հերքելով՝ սպասվող նոր փաստաթղթի ստորագրման մասին լուրերը: 
Իսկ ինչ վերաբերում է Արցախը հանձնելուն` նա ընդգծում է, որ այն իր կամ առարկա չէ, որ հանձնեն կամ չհանձնեն. Արցախն այնտեղ ապրող մարդն է: 
Փաշինյանի խոսքով՝ եթե այդպիսի մտադրություն լիներ, հանձնումն արդեն իրականացված կլիներ: Նրա խոսքով՝ հարցի լուծումն իր համար այն է, որ արցախցին ապրի Արցախում եւ իրեն զգա ղարաբաղցի, արցախցի եւ հայ: Հակամարտության հանգուցալուծում, ըստ Փաշինյանի, որն այս պայմանները չի ապահովում, ընդունելի չէ իրենց համար: 
Երկրի ղեկավարը նաեւ շեշտում է՝ թույլ չի տալու ցանկացած սադրիչ հայտարարություն, որը խաղաղության օրակարգից կշեղի, քանի որ, նրա համոզմամբ, հենց խաղաղության օրակարգն է, որ ապահովելու է Հայաստանի եւ Արցախի ապագան: 

Մանրամասները ներկայացնում է Ալինա Սիմոնյանը