կարևոր
688 դիտում, 3 շաբաթ առաջ - 2022-04-22 15:18

Ծիծեռնակաբերդում ապրիլի 23-ին գիշերը կհնչի Մոցարտի «Ռեքվիեմը»

Ծիծեռնակաբերդում ապրիլի 23-ին գիշերը կհնչի Մոցարտի «Ռեքվիեմը»

Ապրիլի 23-ի լույս 24-ի գիշերը Ծիծեռնակաբերդում կհնչի Վոլֆգանգ Ամադեուս Մոցարտի «Ռեքվիեմը», որն ուղիղ միացմամբ կհեռարձակվի Հայաստանի Հանրային հեռուստատեսությամբ, տեղեկացնում են ԿԳՄՍ նախարարությունից։

Մենակատարներն են աշխարհահռչակ օպերային երգչուհի, սոպրանո Աննա Սամուիլը, բաս Թոբիաս Բերնդտը, մեցցո-սոպրանո Սոֆիա Թումանյանն ու տենոր Տիգրան Մելքոնյանը։

«Ռեքվիեմը» կհնչի Հայաստանի ազգային ֆիլհարմոնիկ նվագախմբի (գեղարվեստական ղեկավար և գլխավոր դիրիժոր՝ Էդուարդ Թոփչյան) և Ազգային ակադեմիական երգչախմբի (գեղարվեստական ղեկավար և գլխավոր դիրիժոր՝ Հովհաննես Չեքիջյան) կատարմամբ։ Այն կղեկավարի ավստրիացի անվանի դիրիժոր Գյունտեր Նոյհոլդը: