կարևոր
640 դիտում, 3 շաբաթ առաջ - 2022-04-21 12:00

ՌԴ ԱԳՆ-ից հայտնել են, թե երբ կավարտվի Ռուսաստանի հատուկ գործողությունն Ուկրաինայում

ՌԴ ԱԳՆ-ից հայտնել են, թե երբ կավարտվի Ռուսաստանի հատուկ գործողությունն Ուկրաինայում

Ռուսական հատուկ ռազմական գործողությունը կավարտվի, երբ վերանան ՆԱՏՕ-ի կողմից Ուկրաինայի յուրացման հետ կապված սպառնալիքները։ Այս մասին ՏԱՍՍ-ին տված հարցազրույցում ասել է ՌԴ ԱԳՆ ԱՊՀ երկրորդ վարչության տնօրեն Ալեքսեյ Պոլիշչուկը։

«Հատուկ ռազմական գործողությունը կվերջանա, երբ կավարտվեն առաջադրված խնդիրների լուծումը: Դրանք ներառում են Դոնբասի խաղաղ բնակչության պաշտպանությունը, Ուկրաինայի ապառազմականացումն ու ապազգայնացումը, ինչպես նաև Ռուսաստանին սպառնացող վտանգների վերացումը, որոնք բխում են Ուկրաինայի տարածքից՝ ՆԱՏՕ-ի կողմից երկրի յուրացման պատճառով»,-ասել է դիվանագետը։

Նա հավելել է, որ հատուկ գործողությունն ընթանում է նախատեսված պլանի համաձայն։