կարևոր
574 դիտում, 1 ամիս առաջ - 2022-04-19 21:29

«Արցախը երբեք չի լինի Ադրբեջանի կազմում»․ ՏԵՍԱՆՅՈՒԹ

«Ապրելու երկիր» կուսակցությունը դիմել է Արտգործնախարարությանը ստանալու հավաստում, որ Ադրբեջանի հետ ենթադրյալ կնքվելիք պայմանագիրը չի հակասելու Հայաստանի Հանրապետության Գերագույն Խորհրդի 1992թ. հուլիսի ութի որոշման 2-րդ մասին: 
Համաձայն Հայաստանի Գերագույն խորհրդի որոշման Հայաստանի համար անընդունելի է միջազգային կամ ներպետական ցանկացած փաստաթուղթ, որտեղ Լեռնային Ղարաբաղի Հանրապետությունը նշված կլինի Ադրբեջանի կազմում: Ըստ սահմանադրագետ Տարոն Սիմոնյանի պետական նման փաստաթղթերը կլինեն հակասահմանադրական եւ չեն ունենա օրենքի ուժ: 
Խոսելով հայ ադրբեջանական բանակցությունների եւ Հայաստանի անվտանգության մարտահրավերների մասին «Ապրելու երկիր» կուսակցության համահիմնադիր Մեսրոպ Առաքելյանի խոսքով առաջնային եւ կարեւոր հարցերից մեկը միջազգային հանրության հետ բանակցային գործընթացները կարգավորելն է: 
Մեսրոպ Առաքելյանը վստահ է, որ Հայաստանը Ադրբեջանի հետ բանակցություններում պետք է որպես նախապայման, որպես կարմիր գիծ ամրագիր Արցախի ինքնորոշման իրավունքը: Արցախը երբեք չի լինի Ադրբեջանի կազմում, եւ ոչ ոք չի կարող արցախցուն զրկել իր հայրենիքում ապրելու իրավունքից: Իսկ Արտգործնախարարությունից տեղեկացրին, որ հինգօրյա ժամկետում կպատասխանեն դիմումին: 

Մանրամասները՝  Զարուհի Սահակյանի տեսանյութում