կարևոր
670 դիտում, 1 ամիս առաջ - 2022-04-19 17:00

Բայդենը մտադիր է առաջադրվել երկրորդ ժամկետի համար

Բայդենը մտադիր է առաջադրվել երկրորդ ժամկետի համար

Միացյալ Նահանգների նախագահ Ջո Բայդենը որոշել է 2024 թվականին կայանալիք ընտրություններում պայքարել Սպիտակ տան ղեկավարի պաշտոնի համար, գրում է The Hill-ը՝ հղում անելով աղբյուրներին։

«Նախագահ Բայդենը նախկին նախագահ Օբամային ասել է, որ մտադիր է առաջադրվել երկրորդ ժամկետի համար»,-գրում է պարբերականը:

Լրագրողների զրուցակիցներից մեկը պարզաբանել է նաև, որ Բայդենն իրեն տեսնում է որպես «միակը, ով կարող է հաղթել Դոնալդ Թրամփին»։

Ավելի վաղ Թրամփը ասել էր, որ հնարավոր է՝ ստիպված լինի երրորդ անգամ առաջադրվել նախագահի պաշտոնում։ Այնուամենայնիվ, նրա կողմից 2024 թվականի պլանների մասին պաշտոնական հայտարարություն չի եղել։