կարևոր
1015 դիտում, 2 ամիս առաջ - 2022-04-16 22:20

Հայ-ադրբեջանական հարաբերությունների կարգավորման ձևաչափերը․ ՏԵՍԱՆՅՈՒԹ

Հայ քաղաքագետների պնդումներն է հաստատում Հայաստանում Ռուսաստանի դեսպանը, այն պնդումները, որ Եվրոպան ամեն ինչ անում է Մոսկվային Հայաստանի եւ Ադրբեջանի միջեւ բանակցային գործընթացից դուրս թողնելու համար: Կոպիրկինը հիշեցնում է, որ Եվրոպական խորհրդի նախագահի մասնակցությամբ Հայաստանի ու Ադրբեջանի ղեկավարների միջեւ Բրյուսելում տեղի ունեցած հանդիպման հայտարարության մեջ Ռուսաստանի մասին չի հիշատակվել, թեեւ դրանում նշված կետերը բխում են Ռուսաստան-Հայաստան-Ադրբեջան նախկինում արված եռակողմ հայտարարություններից: 

Փոխարենը Կոպիրկինը տարօրինակ ու անտրամաբանական է համարում պնդումները, թե Ռուսաստանին հնարավոր է դուրս թողնել տարածաշրջանային գործընթացներից: 

Որ Ռուսաստանը չի պատրաստվում կողքից հետեւել զարգացումներին, փաստում են նաեւ վերջին իրադարձությունները: ԵԱՀԿ Մինսկի խմբի ռուսաստանցի համանախագահ Իգոր Խովաեւը նշանակվել է Ռուսաստանի արտգործնախարարի հատուկ ներկայացուցիչ Հայաստանի եւ Ադրբեջանի միջեւ հարաբերությունների կարգավորման հարցով: 

Հայաստանի եւ Ադրբեջանի միջեւ խաղաղության պայմանագրի նախապատրաստման հանձնարարություն Բրյուսելյան հանդիպման արդյունքերով ստացել էին նաեւ երկու երկրների արտգործնախարարները: Փաստացի այս պահին հարաբերությունների կարգավորման երկու նոր ձեւաչափ է ստեղծվում, երկուսն էլ Արցախյան հիմնախնդրի լուծման մանդատ ունեցող ԵԱՀԿ Մինսկի խմբի համանախագահության ձեւաչափից դուրս: 

Մինչդեռ հիմա երկու նոր ձեւաչափերի շրջանակում խոսվում է հարաբերությունների կարգավորման մասին, իսկ Արցախյան հիմնախնդրի մասին դեռ խոսք չկա: 

Մանրամասները ներկայացնում է Անահիտ Հովհաննիսյանը