կարևոր
496 դիտում, 1 ամիս առաջ - 2022-04-16 13:12

Ռուսաստանը արտաքսել է ԵՄ 18 դիվանագետի

Ռուսաստանը արտաքսել է ԵՄ 18 դիվանագետի

Ռուսաստանը պերսոնա նոն գրատա է հայտարարել Մոսկվայում ԵՄ պատվիրակության 18 աշխատակցի։ Այս մասին ասվում է ՌԴ արտաքին գործերի նախարարության տարածած հաղորդագրության մեջ։

Հայտարարության համաձայն՝ այս քայլն արվել է` ի պատասխան Եվրամիությունում ՌԴ մշտական ներկայացուցչությունից աշխատակիցների արտաքսմանը։

«Ի պատասխան Եվրամիության անբարյացակամ գործողությունների՝ Ռուսաստանում ԵՄ պատվիրակության 18 աշխատակիցներ հայտարարվել են պերսոնա նոն գրատա և մոտ ապագայում պետք է լքեն Ռուսաստանի Դաշնության տարածքը», - ասվում է ՌԴ ԱԳՆ-ի հայտարարությունում։

ԱԳՆ-ն հավելել է, որ Ռուսաստանը բողոք է հայտնել Մոսկվայում ԵՄ դեսպան Մարկուս Էդերերին՝ կապված Եվրամիությունում Ռուսաստանի մշտական ներկայացուցչության 19 աշխատակիցների անհիմն վտարման հետ։