կարևոր
814 դիտում, 1 ամիս առաջ - 2022-04-13 11:49

Կապիտուլյանտն ԱԺ-ում ասում է՝ ինձ պետք է մեղադրել ոչ թե հողեր հանձնելու, այլ չհանձնելու մեջ․ Շարմազանով

Կապիտուլյանտն ԱԺ-ում ասում է՝ ինձ պետք է մեղադրել ոչ թե հողեր հանձնելու, այլ չհանձնելու մեջ․ Շարմազանով

Անհերքելի փաստեր, որ եւ հողեր հանձնելու, եւ հազարավոր զոհերի մեղավորը Նիկոլ Փաշինյանն է։ Այս մասին գրել է ՀՀԿ խոսնակ Էդուարդ Շարմազանովը։

«Կապիտուլյանտն ԱԺ-ում ասում է՝ չեմ ընդունում, որ հանձնել եմ հողեր, ինձ պետք է մեղադրել ոչ թե հողեր հանձնելու, այլ՝ չհանձնելու մեջ։

Ո՞վ է Շուշին ու Հադրութը հանձնելու կապիտուլյացիան ստորագրել։

Ե՞ս,Հռոմի պապը՞, թե՞ Պապ թագավորը։

Հանձնել է Նիկոլ Վովայի Փաշինյանը։

Ինչու՞ եմ այդպես պնդում,ասեմ:

Քանի որ մինչեւ Նիկոլը որեւէ փաստաթղթով Շուշին ու Հադրութը, Թալիշն ու Մատաղիսը չէին անցնելու Ադրբեջանի վերահսկողության տակ։

Մեր բանակցած բոլոր փաստաթղթերով այդ տարածքները մնալու էին Արցախի հայկական իշխանության վերահսկողության ներքո։

Դա ասել է եւ ՀՀ ԱԳՆ խոսնակը պատերազմից հետո, եւ ՌԴ նախագահ Պուտինը, եւ ինքը՝ Նիկոլը 2020-ի հոկտեմբերի 19-ին իմ ներկայությամբ։

Ըստ իրեն խոսք եղել է միայն 5 պլյուս 2 տարբերակի մասին։

Ուշադրություն՝ 7 չէ, այլ 5 պլյուս 2, որի արդյունքում նույնիսկ Լաչինն ու Քարվաճառն էին մնալու հայկական վերահսկողության տակ։

Այսինքն Նիկոլի հող հանձնելը վաղուց ապացուցված փաստ է,իսկ որ ինքն է զոհերի մեղավորը՝ ինքն էլ այսօր Աժ ամբիոնից խոստովանեց։

Հետեւաբար, եւ հողեր հանձնելու,եւ հազարավոր զոհերի մեղավորը Նիկոլ Փաշինյանն է»։