կարևոր
529 դիտում, 1 ամիս առաջ - 2022-04-12 10:08

Ուորլիքը դրսևորեց աշխարհաքաղաքական խանդի տեսարան՝ ակնարկելով, որ դեմ է Ռուսաստանի միջնորդությանը, բայց կողմ է եվրոպական միջնորդությանը․ Աշոտյան

Ուորլիքը դրսևորեց աշխարհաքաղաքական խանդի տեսարան՝ ակնարկելով, որ դեմ է Ռուսաստանի միջնորդությանը, բայց կողմ է եվրոպական միջնորդությանը․ Աշոտյան

ՀՀԿ փոխնախագահ Արմեն Աշոտյանը գրում է․

«ԵԱՀԿ Մինսկի խմբի ամերիկացի նախկին համանախագահ Ջեյմս Ուորլիքը երեկ մի քանի կարևոր ուղերձ հնչեցրեց։

1. Ուորլիքը հաստատեց, որ տարիներ շարունակ նախկինների օրոք բանակցությունները եղել են ԼՂ ժողովրդի ինքնորոշման իրավունքի շուրջ:

2. Ուորլիքը փաստացի չհերքեց լավրովյան հայտարարությունն առ այն, որ Մինսկի խմբի մյուս 2 համանախագահները պատրաստ չեն Ռուսաստանի հետ աշխատել:

3. Ուորլիքը դրսևորեց աշխարհաքաղաքական խանդի տեսարան՝ ակնարկելով, որ դեմ է Ռուսաստանի միջնորդությանը, բայց կողմ է եվրոպական միջնորդությանը:

4. Ուորլիքը հույս հայտնեց, որ Հայաստանի (!) իշխանությունները դեռևս պնդում են Արցախի ժողովրդի ինքնորոշման իրավունքի վրա:

5. Ուորլիքը նաև հույս հայտնեց, որ հնարավոր է «վերակենդանացնել» Մինսկի խմբի համանախագահության ինստիտուտը»: