կարևոր
823 դիտում, 2 ամիս առաջ - 2022-04-11 16:51

Վիճակախաղերում ներգրավվածների թիվը 2018 թ-ի 18.300-ի դիմաց 2020 թ-ին հասել է 44.082-ի․ Մինասյան

Վիճակախաղերում ներգրավվածների թիվը 2018 թ-ի 18.300-ի դիմաց 2020 թ-ին հասել է 44.082-ի․ Մինասյան

ԱԺ ֆինանսավարկային և  բյուջետային հանձնաժողովը քննարկում էր «Շահումով խաղերի, ինտերնետ շահումով խաղերի և խաղատների մասին» օրենքում և հարակից օրենքների փաթեթում առաջարկվող փոփոխությունների նախագիծը, որով արգելվում է կանխիկ ձևով և էլեկտրոնային դրամապանակներից լիցքավորել բուքմեյքերական հաշիվները: 

«Վիճակախաղերում կամ շահումով խաղերում ներգրավվածների վիճակագրությունը բավական մտահոգիչ է՝ մասնակիցների թիվը 2018 թ.-ի 18.300-ի դիմաց 2020 թ.-ին հասել է 44082-ի, սա մեծ հաշվով սարսափելի ցուցանիշ է»,-ասաց «Հայաստան» խմբակցության քարտուղար Արծվիկ Մինասյան։

Մինասյանը  նաև նշեց, որ խաղային բիզնեսում շրջանառվող 3.9 տրիլիոն դրամը համախառն  ներքին արդյունքի 1/2-ն է, և եթե դրանք ներառվեն պետության համախառն ներքին արդյունքի մեջ, ապա մուլտիպլիկատիվ էֆեկտը շատ մեծ կլինի:

Կառավարության ներկայացուցչի արձագանքից հետո Մինասյանն ընդգծեց, որ ներկայումս շահած քաղաքացին չի հարկվում, և իր բարձրացրած խնդիրը դա է։