կարևոր
841 դիտում, 2 ամիս առաջ - 2022-04-11 14:31

Նարեկ Մանթաշյանը պատանդառվել է քաղաքական իշխանության կողմից. Ալեքսանդր Կոչուբաև

Նարեկ Մանթաշյանը պատանդառվել է քաղաքական իշխանության կողմից. Ալեքսանդր Կոչուբաև

Փաստաբան Ալեքսանդր Կոչուբաևն իր ֆեյսբուքյան էջում գրել է.

«Շնորհավորում եմ բոլորիս, Նարեկ Մանթաշյանը ևս պատանդառվել է քաղաքական իշխանության կողմից

Այսօր լրանում է Նարեկ Մանթաշյանի կալանքի դեմ բերված բողոքի ՉՔՆՆԱՐԿՄԱՆ հոբելյանական 2 ամիսը (ԵՐԿՈւ ԱՄԻՍ)։ Վերաքննիչում ամեն անգամ դիմում են  շառլատանության, որպեսզի չքննարկեն բողոքը։ Արդեն որերորդ անգամ ծանուցագիր եմ ստանում, որ երեք օր առաջ նշանակված է եղել դատական նիստ։ Մեկ ամիս Մնացական Հարությունյանի ռեսուրսով ձգձգումներից հետո՝ հիմա էլ գործը փոխանցել են Ռուբիկ Մխիթարյանին, որ հիմա էլ այս <<հարգելի դատարանը>> ձգձգի բողոքի քննությունը։ Երկու ամիս կալանքի դեմ բերված բողոքը չքննարկելը իրավական շանտղություն է և Ռուբիկ Մխիթարյանին խնդրում եմ այս հանգամանքը ընդունել ի գիտություն։ Համեմատության համար նշեմ, որ ոչ քաղաքական գործերով նիստի ծանուցումները կատարվում են հեռախոսազանգով կամ թղթայինին զուգահեռ նաև զանգում են կամ եթե բողոքը բերած է լինում դատախազությունը դատական ծանուցագրի հետ գալիս է նաև դատական ոռնոցներ, որ շատ արագ պետք է քննվի բողոքը։ Վերաքննիչի ռուբիկմխիթարյաններին կոչ եմ անում մի փոքր մասնագիտական ինքնասիրության զգացում գտնեն իրենց մեջ․ երկու ամիս կալանքի դեմ վերաքննիչ բողոքը չի կարել չքննարկել․ դա պաշտպանական սրբազան իրավունքներից է․ թև այս երկրում սրբազան ոչինչ այլևս չի գնահատվում։

Հ․գ․ Այս դեպքով դիմելու ենք արդնախին և կարգապահական հանձնաժողովին։ Դատավորներին խնդրում եմ այս քայլին մոտենալ ըմբռնումով, ես մշտապես հակված եմ պահել գործընկերային հարաբերությունները և մշտապես աչք եմ փակում հետին թվով կազմված դատական ակտերի, դատավարական փաստաթղթերի, դրանք ուշ տրամադրելու և նմանատիպ այլ խախտումների վրա, բայց իրավական շանտղության դեմ գործընկերությամբ չես կարող պայքարել»։