կարևոր
553 դիտում, 1 ամիս առաջ - 2022-04-07 14:02

Առաջարկվել է Մոսկվայի Լուկովի նրբանցքը անվանափոխել Ժիրինովսկու անունով

Առաջարկվել է Մոսկվայի Լուկովի նրբանցքը անվանափոխել Ժիրինովսկու անունով

Ռուսաստանի լիբերալ-դեմոկրատական կուսակցությունն առաջարկել է Մոսկվայի Լուկովի նրբանցքը, որտեղ գտնվում է կուսակցության կենտրոնակայանը, անվանափոխել Վլադիմիր Ժիրինովսկու անունով։ Այս մասին հինգշաբթի հայտարարել է Դումայում խմբակցության ղեկավարի տեղակալ Յարոսլավ Նիլովը։

«Կայացել է կուսակցության բարձրագույն խորհրդի նիստ, մենք որոշում ենք կայացրել և պնդելու ենք, որ Լուկովի նրբանցքը, որտեղ գտնվում է Լիբերալ-դեմոկրատական կուսակցության կենտրոնակայանը և որտեղ սկսվել է կուսակցության պատմությունը, վերանվանվի Ժիրինովսկու նրբանցք»,- ասել է նա լրագրողների հետ զրույցում։ Այս մասին գրում է ՏԱՍՍ-ը:

Հիշեցնենք, որ Վլադիմիր Ժիրինովսկին կյանքից հեռացել է 75 տարեկանում՝ երկարատև հիվանդությունից հետո։