կարևոր
1009 դիտում, 1 ամիս առաջ - 2022-04-05 11:08

Ձեզնից յուրաքանչյուրի ներկայությունը պահանջված է օրվա հրամայականով․ Սենոր Հասրաթյան

Ձեզնից յուրաքանչյուրի ներկայությունը պահանջված է օրվա հրամայականով․ Սենոր Հասրաթյան

Արցախի պաշպանության բանակի նախկին խոսնակ Սենոր Հասրաթյանը ֆեյսբուքյան գրառում է արել, որում Հայաստանում բնակվող արցախցիներին կոչ է արել մասնակցել ապրիլի 5-ին Երևանի Ազատության հրապարակում կայանալիք հանրահավաքին։ Գրառման մեջ ասվում է․

«Արցախից բռնատեղահանված և մայր Հայաստանում ժամանակավոր ապաստանած իմ սիրելի հայրենակիցներ, ձեզ եմ դիմում երբեմնի հպարտ, իսկ այսօր հոգսերով ծանրաբեռնված, բայց ոչ խեղճացած Ստեփանակերտից... Երբևէ չլինելով փողոցային պայքարի կամ հանրահավաքների կողմնակից, այսօր պարտադրված եմ եղբայրաբար դիմել ձեզ, դիմել որպես հարազատը՝ հարազատին և խնդրել, որ հանուն թշնամու գերության տակ հայտնված ձեր հայրենական օջախների, հանուն ձեր սուրբ նահատակների գերեզմանների և, վերջապես, հանուն ԱրցախաՀայոց պատվի փրկության վաղը՝ ապրիլի 5-ին ժամը 18.30-ին մեկ մարդու նման լինեք Երևանի Ազատության հրապարակում... Հիշե՝ք, ձեզնից յուրաքանչյուրի ներկայությունը պահանջված է օրվա հրամայականով... Հրամայական, որից կախված է Արցախի լինելիությունն ու մեր մեծ ՀԱՅՐԵՆԻՔԻ ապագան...»։