կարևոր
8830 դիտում, 2 ամիս առաջ - 2022-03-15 11:26

Այսօրվանից ծխելն արգելվում է հանրային սննդի փակ և բաց տարածքներում

Այսօրվանից ծխելն արգելվում է հանրային սննդի փակ և բաց տարածքներում

Այսօրվանից հանրային սննդի օբյեկտներում, այդ թվում՝ բացօթյա (ճաշարաններ, ռեստորաններ, սրճարաններ, բարեր, բուֆետներ և խոհարարական արտադրանքի պատրաստման և իրացման այլ օբյեկտներ), արգելվում է ծխախոտային արտադրատեսակների և դրանց փոխարինիչների օգտագործումը:

Մարտի 15-ից ուժի մեջ է մտնում «Ծխախոտային արտադրատեսակների և դրանց փոխարինիչների օգտագործման հետևանքով առողջությանը հասցվող վնասի նվազեցման և կանխարգելման մասին» օրենքում լրացում կատարելու մասին» օրենքի 6-րդ հոդվածի 1-ին մասի 1-ին կետի ը) ենթակետով նախատեսված դրույթը:

Օրենքով սահմանված սահմանափակման արգելքը խախտելն առաջացնում է տուգանքի նշանակում.

  • պաշտոնատար անձի նկատմամբ՝ 150 000 – 200 000 ՀՀ դրամ,
  • ֆիզիկական անձի նկատմամբ՝ 50 000 ՀՀ դրամ:

Սույն դրույթի վերահսկողությունն իրականացվում է ՀՀ Ոստիկանության կողմից: