կարևոր
5545 դիտում, 2 ամիս առաջ - 2022-03-14 16:10

Բաքուն հրապարակել է Հայաստանին առաջադրած 5 սկզբունքները

Բաքուն հրապարակել է Հայաստանին առաջադրած 5 սկզբունքները

Բաքուն հայտարարել է, որ պատրաստ է Հայաստանի հետ խաղաղության բանակցություններին, եթե հայկական կողմն ընդունի իր առաջադրած 5 սկզբունքները։ Այս մասին հայտնում են ադրբեջանական լրատվամիջոցները՝ հղում անելով Ադրբեջանի ԱԳՆ-ին։

Խոսքը վերաբերում է փոխադարձ տարածքային ամբողջականությունը, միջազգային սահմանների անքակտելիությանը, միմյանցից քաղաքական անկախությունը ճանաչելուն։ 

Կողմերը պետք է հայտարարեն, որ տարածքային պահանջներ չունեն միմյանցից ու չեն ունենալու ապագայում, զերծ մնալ միջպետական հարաբերություններում միմյանց անվտանգությանը սպառնացող, միմյանց քաղաքական անկախության և տարածքային ամբողջականության դեմ սպառնալիքներ և ուժ կիրառելուց, ինչպես նաև ՄԱԿ-ի կանոնադրության նպատակներին անհամատեղելի այլ գործողություններից։

Բաքուն պահանջում է նաև սահմանների դելիմիտացիա ու դեմարկացիա, դիվանագիտական հարաբերությունների հաստատում։

Ադրբեջանն առաջարկում է հարաբերությունների կարգավորման հետևյալ սկզբունքները.

  1. ինքնիշխանության, տարածքային ամբողջականության, միջազգային սահմանների անձեռնմխելիության և միմյանց քաղաքական անկախության փոխադարձ ճանաչում:
  2. Երկու պետությունների` միմյանց նկատմամբ տարածքային պահանջների բացակայության և ապագայում նման պահանջներ չներկայացնելու իրավական պարտավորության փոխադարձ հաստատում։.
  3. Ձեռնպահ մնալ միջպետական   հարաբերություններում միմյանց անվտանգությանը սպառնալուց, քաղաքական անկախության և տարածքային ամբողջականության դեմ սպառնալիքներ և ուժ կիրառելուց, ինչպես նաև ՄԱԿ-ի կանոնադրության նպատակներին անհամատեղելի այլ հանգամանքներից:
  4. Պետական ​​սահմանի սահմանազատում և սահմանազատում, դիվանագիտական ​​հարաբերությունների հաստատում:
  5. Տրանսպորտի և  կոմունիկացիաների բացում, այլ  հաղորդակցությունների հաստատում և փոխադարձ հետաքրքրություն ներկայացնող այլ ոլորտներում համագործակցություն։

«Ցանկանում ենք նշել, որ այս հիմնարար սկզբունքների հիման վրա է, որ երկու երկրները ինտենսիվ, առարկայական և արդյունքների վրա հիմնված բանակցություններից հետո կարող են կնքել երկկողմ խաղաղության համաձայնագիր», - ասվում է Ադրբեջանի ԱԳՆ հայտարարության մեջ։

Հավելենք, որ քիչ առաջ ՀՀ ԱԳՆ հայտարարություն էր տարածել, թե պաատսխանել է  Ադրբեջանի առաջարկներին՝ չնշելով, սակայն, համաձայնել են այս 5 կետին, թե՝ ոչ: