Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Տոյվո Կլաարը Հայաստան է այցելելու։ Կլաարն իր այցի մասին հայտնել է Twitter–ում։
«Երկու օրով վերադառնում եմ Երևան` հանդիպումների։ Քանի որ միջազգային իրավիճակը գնալով ավելի լարված է դառնում, ԵՄ-ն ավելի քան երբևէ` հավատարիմ է խաղաղ և բարգավաճ Հարավային Կովկասի գաղափարին»,–գրել է Կլաարը։
Հիշեցնենք, որ Կլաարի գլխավորած պատվիրակությունը Հայաստանում էր այս տարվա փետրվարին։