կարևոր
2944 դիտում, 2 ամիս առաջ - 2022-03-12 14:27

Պատերազմից հետո որևէ միջխորհրդարանական հանձնաժողովի նիստ չի գումարվել. Արցախի խորհրդարանի ՀՅԴ խմբակցության անդամները Վանեցյանի հետ քննարկել են Արցախի խնդիրները

Պատերազմից հետո որևէ միջխորհրդարանական հանձնաժողովի նիստ չի գումարվել. Արցախի խորհրդարանի ՀՅԴ խմբակցության անդամները Վանեցյանի հետ քննարկել են Արցախի խնդիրները

Մարտի 12-ին Արցախի Հանրապետության Ազգային ժողովի «ՀՅ Դաշնակցություն» խմբակցության պատգամավորները հանդիպել են ՀՀ ԱԺ «Պատիվ ունեմ» խմբակցության ղեկավար, «Հայրենիք» կուսակցության նախագահ Արթուր Վանեցյանի հետ:

Հանդիպման ընթացքում «Հայ Յեղափոխական Դաշնակցություն» խմբակցության պատգամավորները ներկայացրել են վերջին օրերին Ադրբեջանի սադրանքների հետևանքով Արցախում տիրող իրավիճակը, մտքեր են փոխանակել հումանիտար ճգնաժամից ելք գտնելու հնարավորությունների շուրջ:

Երկուստեք մտահոգության առարկա է դարձել ՀՀ իշխանությունների՝ Արցախի նկատմամբ դրսեւորած անտարբեր կեցվածքը։ Վանեցյանը տեղեկացրել է, որ «Պատիվ ունեմ» խմբակցության պատգամավոր Հայկ Մամիջանյանը առաջիկայում հանդես է գալու օրենսդրական նախաձեռնությամբ՝ «ՀՀ ԱԺ կանոնակարգ օրենքում փոփոխություններ կատարելու մասին», և նախատեսվում է այդ կապակցությամբ կազմակերպել լսումներ, որին հրավիրվելու են Արցախի Հանրապետության խորհրդարանի բոլոր խմբակցությունների ներկայացուցիչները:

«ՀՅ Դաշնակցություն» խմբակցության անդամները մտահոգություն են հայտնել Հայաստանի և Արցախի միջխորհրդարանական հարաբերությունների բացակայության մասին՝ հատկապես շեշտելով, որ հակառակ Արցախի Ազգային ժողովում բարձրացված մտահոգությանը՝ 44-օրյա պատերազմից հետո մինչ այժմ որևէ միջխորհրդարանական հանձնաժողովի նիստ չի գումարվել: