կարևոր
2713 դիտում, 2 ամիս առաջ - 2022-03-12 11:51

ՀՅԴ ներկայացուցիչները և Արցախի նախագահը հանդիպել են

ՀՅԴ ներկայացուցիչները և Արցախի նախագահը հանդիպել են

Մարտի 12-ին Հայ Յեղափոխական Դաշնակցության նորընտիր Բյուրոյի անդամ Դավիթ Իշխանյանը և ՀՅԴ Արցախի Կենտրոնական կոմիտեի ներկայացուցիչ Արթուր Մոսիյանը հանդիպել են Արցախի Հանրապետության նախագահ Արայիկ Հարությունյանի հետ:

Բարձր գնահատելով համահայկական խնդիրների լուծման գործում Դաշնակցություն կուսակցության ունեցած դերակատարությունը՝ երկրի ղեկավարը կարևորել է կառույցի աշխարհասփյուռ ներուժի արդյունավետ իրացմանն ուղղված ջանքերը՝ ընդգծելով իր լրիվ պատրաստակամությունն այդ առումով:

Նախագահն առանձին անդրադարձել է Հայ դատի գրասենյակների հետ համագործակցությանը՝ նշելով, որ ՀՅԴ 34-րդ ընդհանուր ժողովից հետո արդյունավետ հանդիպում ու քննարկում է ունեցել նաև Հայ դատի Եվրոպայի գրասենյակի պատասխանատու Գասպար Կարապետյանի հետ:

Զրուցակիցները քննարկել են հանրապետության ներքին ու արտաքին քաղաքականությանը, առկա մարտահրավերներին, ինչպես նաև տարածաշրջանում ու աշխարհում տեղի ունեցող գործընթացներին վերաբերող հարցեր։