կարևոր
3040 դիտում, 2 ամիս առաջ - 2022-03-12 11:00

Գիշերն ադրբեջական կողմը շարունակել է արկակոծել Արցախի գյուղերը

Գիշերն ադրբեջական կողմը շարունակել է արկակոծել Արցախի գյուղերը

Մարտի 11-ի լույս 12-ի գիշերը, տարբեր ուղղություններով, ադրբեջանական կողմը հրադադարը խախտել է հրաձգային զինատեսակների կիրառմամբ:

Արցախի Հանրապետության պաշտպանության նախարարության մամուլի ծառայությունից հայտնում են

«Մարտի 12-ին Ադրբեջանի պաշտպանության նախարարությունը ապատեղեկատվություն է տարածել, պնդելով, թե իբր Արցախի ՊԲ ստորաբաժանումները հրաձգային զինատեսակներից կրակ են բացել ադրբեջանական մարտական դիրքերի ուղղությամբ։

Իրականում, ինչպես արդեն տեղեկացրել ենք, մարտի 11-ին, ողջ օրվա ընթացքում, Ադրբեջանի ԶՈՒ ստորաբաժանումներն են պարբերաբար խախտել հրադադարը` ԱՀ Ասկերանի շրջանի Խրամորթ, Փարուխ և Խանապատ գյուղերի ուղղությամբ` ականանետերից արձակելով ընդհանուր առմամբ 27 հատ ական: Մարտի 11-ի լույս 12-ի գիշերը, տարբեր ուղղություններով, ադրբեջանական կողմը հրադադարը խախտել է հրաձգային զինատեսակների կիրառմամբ»,- ասվում է հաղորդագրությունում: