կարևոր
3088 դիտում, 3 ամիս առաջ - 2022-03-11 15:18

Չարենցի 125 ամյակին նվիրված ցուցահանդես կբացվի Նկարիչների միությունում

Չարենցի 125 ամյակին նվիրված ցուցահանդես կբացվի Նկարիչների միությունում

Եղիշե Չարենցի ծննդյան օրը՝ մարտի 13-ին՝ ժամը 15:00-ին, Նկարիչների միությունում կբացի մեծանուն գրող Եղիշե Չարենցի ծննդյան 125-ամյակին նվիրված ցուցահանդես: 

Ցուցահանդեսին կներկայացվեն ցուցանմուշներ Մարտիրոս Սարյանի տուն-թանգարանի, Եղիշե Չարենցի տուն-թանգարանի և Եղիշե Չարենցի անվան գրականության և արվեստի թանգարանից։

Կներկայացվեն Մարտիրոս Սարյանի «Եղիշե Չարենցի դիմանկարը» կտավը և Եղիշե Չարենցի «Երկիր Նաիրի» վեպի թեմայով Սարյանի գրաֆիկական աշխատանքները: Կցուցադրվի Եղիշե Չարենցի մասին պատմող ֆիլմ:

Նշենք, որ ցուցահանդեսը կգործի մինչև մարտի 18-ը:

Ցուցաահնդեսը կազմակերպվել է ՀՀ կրթության, գիտության, մշակույթի և սպորտի նախարարության աջակցությամբ, Հայաստանի նկարիչների միության, Մարտիրոս Սարյանի, Եղիշե Չարենցի տուն-թանգարանների և Եղիշե Չարենցի անվան գրականության և արվեստի թանգարանի հետ: