կարևոր
2791 դիտում, 2 ամիս առաջ - 2022-03-11 09:30

Դատավոր Բորիս Բախշիյանի կալանավորման դեմ միջնորդությունն այսօր կքննի Աշոտ Երկաթին կալանավորած դատավորը

Դատավոր Բորիս Բախշիյանի կալանավորման դեմ միջնորդությունն այսօր կքննի Աշոտ Երկաթին կալանավորած դատավորը

Մարտի 11-ին, ժամը 11։00-ին ՀՀ վերաքննիչ դատարանում տեղի կունենա դատավոր Բորիս Բախշիյանին կալանավորելու որոշման դեմ պաշտպանների ներկայացրած վերաքննիչ բողոքների քննությունը։ Այս մասին գրել է պաշտպան Երեմ Սարգսյանը:

«Ինչպես դատավոր Դավիթ Արղամանյանի պարագայում էր, այս դեպքում ևս նախքան վերաքննիչ բողոքները մակագրելն արդեն իսկ կռահել էինք, որ այն մակագրվելու է դատավոր Տիգրան Սիմոնյանին։

Շատ կանխատեսելի եք, պարոնա՛յք։

Իսկ կանախատեսումները կատարվում են կոնկրետ դատավորների գործելաոճին ծանոթ լինելու արդյունքում։ Բնականաբար, նման գործերը այդպիսի դատավորներին պետք է մակագրվեն»,- գրել է պաշտպանը:

Իսկ ո՞վ է Տիգրան Սիմոնյանը: Հենց նա էր, որ 2021թ.-ի դեկտեմբերի մեկին բավարարեց Սիսական ջոկատի հրամանատար, Արցախյան 3 պատերազմների մասնակից Աշոտ Մինասյանին՝ Աշոտ Երկաթին կալանավորելու՝ քննիչի միջնորդությունը։ 

Տիգրան Սիմոնյանը 2018 թ.-ի մայիսի 17-ին է նշանակվել Վերաքննիչ քրեական դատարանի դատավոր, սակայն երեք ամիս անց հրաժարական է ներկայացրել, և 2018 թ.-ի սեպտեմբերի 6-ին նրա լիազորությունները դադարեցվել են:

Սիմոնյանը 2020 թ.-ին նշանակվել է Շրջակա միջավայրի նախարարի տեղակալի պաշտոնում, օգնել է Ռոմանոս Պետրոսյանին: 2021թ.-ի հունիսին ազատվել է պաշտոնից: Իսկ հոկտեմբերին նորից վերադարձել դատական համակարգ: