կարևոր
3202 դիտում, 2 ամիս առաջ - 2022-03-10 20:23

Ռուսաստանի և Հայաստանի արտգործնախարարները հանդիպել են Թուրքիայում

Ռուսաստանի և Հայաստանի արտգործնախարարները հանդիպել են Թուրքիայում

Լավրովը Միրզոյանի հետ զրույցում հույս է հայտնել, որ Փաշինյանի այցը Մոսկվա կծառայի դաշնակցային հարաբերությունների հետագա զարգացմանը։ 

Միրզոյանն իր հերթին ասել է, որ երկկողմ շփումներում շատ կարևոր են կենդանի զրույցները.

 «Մենք վաղուց իրար չենք տեսել, շատ բան է կուտակվել, պետք է երկկողմ օրակարգի կետերով անցնել, և դեռ նոր խնդիրներ կան: Պետք է քննարկել, խորհրդակցել»։

Համաժողովը անցկացվելու է մարտի 11-ից 13-ը։ Պաշտոնական կայքում հրապարակված է մասնակիցները ցանկը, որտեղ ուշագրավ անուններ են:

Ավելի վաղ ԱԳՆ հայտարարել էր, որ ստացել են հրավերը: Թուրքական ֆորումին մասնակցելու վերաբերյալ դեռևս մեկ ամիս առաջ Միրզոյանը հայտարարել էր, որ խնդիր չի տեսնում. «ոչ միայն խնդիր չեմ տեսնի, այլև, կարծում եմ, որ, նույնիսկ եթե այն շաղկապենք Հայաստան-Թուրքիա երկխոսության հետ, դրական երանգներ հաղորդելուց բացի այլ բան չունի», ասել էր ՀՀ արտգործնախարարը:

Ավելի վաղ Նիկոլ Փաշինյանն իր ասուլիսին հայտարարել էր, թե հավանականությունը մեծ է, որ Հայաստանը կընդունի Անթալիայի ֆորումին մասնակցելու՝ Թուրքիայի հրավերը։

Նշենք, որ Անթալիայի, այսպես կոչված, դիվանագիտական ֆորումը բացառապես թուրքական նախագիծ է, որը հիմնադրվել է Էրդողանի կողմից։ Այդ ֆորումի առաջին հավաքը տեղի է ունեցել անցյալ տարի: Մասնակիցների ճնշող մեծամասնությունը թուրքալեզու պետությունների ներկայացուցիչներ են և/կամ եվրոպական և ամերիկյան ինչ-որ ժամանակի դիվանագետներ, որոնք անթաքույց թուրքական լոբբիի ներկայացուցիչներ են։ Օրինակ, անցյալ տարվա Ֆորումին մասնակցել է տխրահռչակ Մեթյու Բրայզան, որը 44-օրյա պատերազմի ընթացքում և հետո զբաղված էր Թուրքիայի շահերի պաշտպանությամբ։ Ֆորումի մասնակիցների՝ թե՛ անցյալ տարվա, թե՛ այս տարվա ճնշող մեծամասնությունը մեծ բերկրանք է ապրել 44-օրյա պատերազմի արդյունքներով, պաշտոնական շնորհավորանքներ հղել Ալիևին։ Ֆորումը նախաձեռնել և ստեղծել է անձմաբ Էրդողանը։ Ֆորումն ամեն ինչ կարելի է անվանել, բայց ոչ՝ միջազգային. այն մաքուր պրոթուրքական և միջթուրքական ֆորում է:

Լուսանկարը՝  ՌԴ ԱԳՆ պաշտոնական ներկայացուցիչ Մարիա Զախարովայի