ուղիղ եթեր փակել
Այս պահին Երևանում
+20°
ощущаетվя как +20°C
բաց երկինք
1 մ/վ քամու ուժգնություն
արևածագ: 05:35
27.06.2022
USD 409.64 +1.08
GBP 502.63 -0.10
EUR 433.52 +2.98
GEL 139.69 +0.55
RUB 7.69 +0.02

Վերջին ավելացված հաղորդումներ

Ամենադիտվածներ

կարևոր
3574 դիտում, 3 ամիս առաջ - 2022-03-09 18:35

Խրամորթում ադրբեջանցիները կրկին «տարածքը լքելու, ուժ կիրառելու» սպառնալիքներ են հնչեցրել

Խրամորթում ադրբեջանցիները կրկին «տարածքը լքելու, ուժ կիրառելու» սպառնալիքներ են հնչեցրել

Ադրբեջանի զինված ուժերը տարբեր տրամաչափի զինատեսակներից, այդ թվում ականանետերի կիրառմամբ, ակտիվ կրակ են վարում Արցախի Հանրապետության Ասկերանի շրջանի Խրամորթ և Նախիջևանիկ, Մարտունու շրջանի Խնուշինակ և Կարմիր շուկա համայնքների վարչական տարածքների, ճանապարհների ուղղությամբ՝ կասեցնելով բոլոր տեսակի գյուղատնտեսական աշխատանքները, խոչընդոտներ հարուցելով բնակիչների ազատ տեղաշարժին:

Արցախի Հանրապետության դատախազությունը հայտնում է, որ իրավապահ մարմինները հնարավորինս ձեռնարկում են բոլոր միջոցները ադրբեջանական կողմի հանցավոր արարքները և դրանց հետևանքները փաստագրելու ուղղությամբ:

Օրվա ընթացքում Խրամորթ համայնքի հարևանությամբ տեղակայված ադրբեջանական մարտական հենակետից բարձրախոսով կրկին հնչեցվել է «տարածքը լքելու, ուժ կիրառելու» սպառնալիքները:

Դատախազությունը հրապարակել է նաև Արցախում Ադրբեջանի կրակած արկերի բեկորների լուսանկարները:

Հիշեցնենք, որ Արցախի Հանրապետության պաշտպանության նախարարությունը հայտնել էր, որ այսօր ժամը 14։00֊14։30 սահմաններում, Արցախի Հանրապետության Մարտունու շրջանի Խնուշինակ գյուղի ուղղությամբ տեղակայված դիրքերից ադրբեջանական կողմը, նորից կիրառելով 60 մմ տրամաչափի ականանետ, արձակվել է 4 հատ ական։ 

Իսկ մարտի 8-ի գիշերը Խրամորթ գյուղի հատվածում թշնամին հերթական անգամ խախտել է հրադադարը` 60 մմ տրամաչափի ականանետից 3 հատ ական արձակելով գյուղի ուղղությամբ։

Հավելենք, որ Խրամորթի մատույցներում է բարձրախոսներով, ի դեպ, գրական հայերենով, ադրբեջանցիները փետրվարի 24-ից բնակիչներին սպառնում էին, որ եթե խաղաղ ճանապարհով չթողնեն գյուղը, ստիպված կլինեն ուժ կիրառել։ Ռուս խաղաղապահների միջնորդությամբ սպառնալիքները մի քանի օր հետո դադարել էին: 

Ֆոտոշարք
բաժանորդագրվել
Նմանատիպ նյութեր

Լրահոս

բոլոր լուրերը

կայքի հին տարբերակը
Հրապարակումների արխիվ - կայքի նախկին տարբերակը

Հավելվածներ

Հետադարձ կապ

© 2022 YERKIRMEDIA.am Բոլոր իրավունքները պաշտպանված են։

Հեղինակային բոլոր իրավունքները պաշտպանված են: Կայքի նյութերը և լուսանկարները, մասնակի կամ ամբողջական օգտագործելիս, պարտադիր է YerkirMedia.am-ի գրավոր համաձայնությունը և YerkirMedia.am-ին հղումը (hyperlink): Կայքի նյութերի մասնակի կամ ամբողջական հեռուստառադիոընթերցումը, առանց YerkirMedia.am-ի գրավոր համաձայնության, արգելվում է: Կայքում հրապարակված նյութերը պարտադիր չէ, որ արտահայտեն YerkirMedia.am-ի խմբագրության տեսակետը: Գովազդների բովանդակության համար կայքը պատասխանատվություն չի կրում:
կայքի ստեղծումը և սպասարկումը՝
MAXARTS