կարևոր
2968 դիտում, 2 ամիս առաջ - 2022-03-09 12:25

Առաջին հերթին անվտանգությունն է մեր հրատապությունը. Սեյրան Օհանյան

Առաջին հերթին անվտանգությունն է մեր հրատապությունը. Սեյրան Օհանյան

Որևիցե մեկը չի խորշում աշխատելուց և հրատապության խնդիրները Հայաստանում պետք է որոշվեն առաջնահերթություններից ելնելով: Այս մասին իր ելույթում ասաց «Հայաստան» խմբակցության ղեկավար Սեյրան Օհանյանը:

«Հրատապության խնդիրները պետք է որոշվեն առաջնահերթություններից ելնելով, և առաջին հերթին անվտանգությունն է մեր հրատապությունը» ,- ընդգծեց Օհանյանը՝ հավելելով, որ Կառավարությունը պետք է պլանավորի իր աշխատանքը.  

«Տիկին փոխնախարարը պետք է արձանագրի, որ կարևոր օրենքները, որոնք որ պետք է ներկայացվեն ԱԺ, պետք է պլանավորվեն և ժամանակին ներկայացվեն, որպեսզի նման իրավիճակ չունենանք: Հրատապությունը ոչ թե այս օրենքի մեջ փոփոխություն կատարելն է, այլ հակածխախոտային ռազմավարությունը: Եթե մենք ծխախոտի դեմ պայքարի ռազմավարություն ունենք, մտածում ենք մեր երեխաների առողջության մասին, ապա ամեն օր պետք է խոսվի դրա մասին»:

Նշենք, որ Ազգային ժողովն այսօրվա արտահերթ նիստում քննարկում է «Ծխախոտային արտադրատեսակների և դրանց փոխարինիչների օգտագործման հետևանքով առողջությանը հասցվող վնասի նվազեցման և կանխարգելման մասին» օրենքում լրացում կատարելու մասին նախագիծը։ 

Նախագիծն առաջին ընթերցմամբ ընդունվեց 67 կողմ, 2 դեմ, 29 ձեռնպահ ձայների հարաբերակցությամբ: «Հայաստան» խմբակցությունը հայտարարեց, որ ձեռնպահ է քվեարկելու՝ առաջարկելով առաջինից երկրորդ ընթերցման ընթացքում քննարկել նախագիծը: