կարևոր
4030 դիտում, 3 ամիս առաջ - 2022-03-07 17:45

Չավուշօղլուի մասնակցությամբ Լավրովը կհանդիպի Ուկրաինայի արտգործնախարարին

Չավուշօղլուի մասնակցությամբ Լավրովը կհանդիպի Ուկրաինայի արտգործնախարարին

Ռուսաստանի և Ուկրաինայի արտգործնախարարներ Սերգեյ Լավրովը և Դմիտրի Կուլեբան կարող են զրուցել Անթալիայում անկացվելիք դիվանագիտական ֆորումի շրջանակում,- հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան։

«Թուրքիայի նախագահի նախաձեռնությամբ՝ Անթալիայի դիվանագիտական ֆորումի շրջանակում ծրագրվում է շփում Ռուսաստանի արտգործնախարար Սերգեյ Լավրովի և Ուկրաինայի արտգործնախարար Դմիտրի Կուլեբայի միջև՝ Թուրքիայի արտգործնախարար Մևլութ Չավուշօղլուի մասնակցությամբ»,-ասել է Զախարովան:

Զախարովան մանրամասնել է, որ Ռուսաստանի և Թուրքիայի նախագահներ Վլադիմիր Պուտինը և Թայիփ Էրդողանը վերջին հեռախոսազրույցների ժամանակ պայմանավորվել են այս զրույցի շուրջ։