կարևոր
5656 դիտում, 3 ամիս առաջ - 2022-03-04 22:37

Ադրբեջանցիների ահաբեկումները շարունակվում են Նոր շենում

Ադրբեջանցիների ահաբեկումները շարունակվում են Նոր շենում

Այսօր՝ մարտի 4֊ին ադրբեջանական զինծառայողները փորձել են ահաբեկել Մարտունու շրջանի Նորշեն գյուղի բնակիչներին՝ կրակահերթեր արձակելով և հայտնի ձայնագրությունը հնչեցնելով։

Ինչպես Նոր շեն համայնքի բնակիչներից մեկը տեղեկացրեց «Ապառաժ»-ին , Նոր շենի մերձակա դաշտերում ռուս խաղաղապահների ներկայությամբ աշխատող գյուղացիներին վախեցնելու և աշխատանքները դադարեցնելու համար թշնամու զինծառայողները կրակահերթ են արձակել դեպի օդ։

Դեպքից հետո ռուս խաղաապահները իրենց հետևակի մարտական մեքենայի փողն ուղղել են դեպի թշնամու դիրքեր և գյուղացիներին ասել, որ ուշադրություն չդարձնեն, չվախենան և հանգիստ շարունակեն աշխատանքները, խոստանալով ապահովել նրանց անվտանգությունը։

Այդ ամենից հետո ադրբեջանցի զինծառայողները բարձրախոսով մեքենան մոտեցրել են դիրքերին և հնչեցրել հայտնի ձայնագրությունը, որը լսվել է Նոր շեն և Աշան համայնքներում։

«Ապառաժ»-ի տվյալներով նշված համայքներում խուճապային տրամադրություններ չեն նկատվել։

Հիշեցնենք, որ փետրվարի 24-ից Արցախի Խրամորթ բնակավայրի մոտակայքում բարձրախոսներով բնակիչներին սպառնում էր, որ եթե խաղաղ ճանապարհով չթողնեն գյուղը, ստիպված կլինեն ուժ կիրառել։