կարևոր
4066 դիտում, 3 ամիս առաջ - 2022-03-04 12:34

Ռուսաստան, Բելառուս առաքումներն անխափան են իրականացվում. հայտարարություն

Ռուսաստան, Բելառուս առաքումներն անխափան են իրականացվում. հայտարարություն

ՀայՓոստը տեղեկացնում է, որ, չնայած միջազգային լոգիստիկ երթուղիների խափանմանը, շարունակում է իրականացնել առաքումները դեպի արտասահմանյան երկրներ հնարավորինս կարճ ժամկետներում:

«Միջազգային փոստփոխանակումը պատշաճ ապահովելու համար՝ ՀայՓոստը մշակել է այլընտրանքային երթուղիներ, որոնք թույլ են տալիս միջազգային առաքումներ կատարել ավելի քան 170 երկիր։

Միաժամանակ հարկ է նշել, որ դեպի Ռուսաստանի Դաշնություն և Բելառուս փոստի առաքումը, ինչպես նաև ՀայՓոստի արագացված սուրհանդակային ծառայությունը (EMS) շարունակում է գործել անխափան։

Հ.Գ. Հարկ է նշել նաև, որ ՀայՓոստ ընկերությունն առաքանիներ է ուղարկում նաև Ուկրաինա»,- ասված է ընկերության հաղորդագրության մեջ։