կարևոր
4828 դիտում, 2 ամիս առաջ - 2022-03-03 14:46

Միջուկային կամ Երրորդ համաշխարհային պատերազմի թեման Արևմուտքին է անհրաժեշտ ռուսաֆոբիային աջակցելու համար. Լավրով

Միջուկային կամ Երրորդ համաշխարհային պատերազմի թեման Արևմուտքին է անհրաժեշտ ռուսաֆոբիային աջակցելու համար. Լավրով

Ռուսաստանը պատրաստ է քննարկել Ուկրաինայի և ամբողջ Եվրոպայի անվտանգության երաշխիքները։ Այսօր առցանց մամուլի ասուլիսում հայտարարեց ՌԴ արտգործնախարար Սերգեյ Լավրովը՝ հավելելով, որ Ռուսաստանի և Ուկրաինայի միջև խաղաղության համաձայնագրերը պետք է անպայման Մոսկվային սպառնացող զենքի ոչնչացման մասին կետ ներառեն։

«Մենք պատրաստ ենք խոսել, բայց մենք շարունակելու ենք մեր հատուկ գործողությունը, քանի որ չենք կարող թույլ տալ, որ Ուկրաինայում պահպանվեն ՌԴ–ի անվտանգությանը սպառնացող ենթակառուցվածքները։ Եվ դելիմիտարիզացիան այս իմաստով պետք է իրականացվի մինչև վերջ»,– ասաց նա։

ՌԴ արտաքին գործերի նախարարը հավաստիացրել է, որ Մոսկվան չի կարող թույլ տալ, որպեսզի ուկրաինական տարածքից Ռուսաստանի վրա ուղիղ հարձակման սպառնալիք բխի։

Նրա խոսքով՝ ԱՄՆ-ն այսօր իրեն է ենթարկեցրել Եվրոպան, ինչպես ժամանակին դա փորձում էին անել Նապոլեոնը եւ Հիտլերը, տեղեկացրել է ՏԱՍՍ-ը։

«Գիտեք, պարզապես այսպիսի համեմատություններ անելու անհրաժեշտություն է առաջանում. ժամանակին թե՛ Նապոլեոնը, թե՛ Հիտլերը  խնդիր էին դրել իրենց ենթարկեցնել Եվրոպան։ Հիմա այն  իրենց են ենթարկեցրել ամերիկացիները,- ասել է ռուս դիվանագետը։

Ըստ Լավրովի՝ Արեւմուտքը միջուկային պատերազմի պլաններ է փայփայում։ ՆԱՏՕ-ն եւ Ուկրաինան փայփայում են Ռուսաստանի դեմ իրական պատերազմի՝ միջուկային պատերազմի սանձազերծման պլանը։

Լավրովը նշել է, որ միջուկային պատերազմը պտտվում է Արեւմուտքի, ոչ թե ռուսաստանցիների գլուխներում։

«Մենք այնտեղ ոչ մի թեժացում չունենք հանուն թեժացման, ինչը փորձում են մեզ վերագրել արեւմտյան վերլուծաբանները։ Բայց միջուկային կամ երրորդ համաշխարհային պատերազմի մասին խոսակցություն այժմ վարվում է»,- ասել է Լավրովը։ Նա լրագրողներին կոչ է արել ուշադրություն դարձնել այն քաղաքական գործիչների վրա, որոնք այդ մասին ասել են։ Լավրովն ընդգծել է, որ սկզբում նման հայտարարություններ արել է ՆԱՏՕ գլխավոր քարտուղար Ենս Սթոլտենբերգը, հետո՝ Ուկրաինայի նախագահ Վլադիմիր Զելենսկին։

«Հասկանալի է, ՆԱՏՕ-ում առհասարակ անգամ հարցեր չեն առաջանում, իսկ Եվրամիությանը ցույց են տվել իր տեղը... ՆԱՏՕ-ն համառորեն եւ պնդաճակատորեն ջանում է պահպանել գերազանցությունը ցանկացած ոլորտում... Արեւմուտքը ցանկանում է ապացուցել, որ ՆԱՏՕ-ն է թելադրում կարգը Եվրոպայում։ ՆԱՏՕ պաշտպանական բնույթի մասին հայտարարությունները «խոսակցություններ են հօգուտ աղքատների»,- նշել է Լավրովը։